Лотар Маттеус "Байер"ни айни дамда дунёнинг энг яхши жамоаси деб атади.
Мураббий Хаби Алонсо жамоаси Бундеслига турнир жадвалида иккинчи ўриндаги "Бавария"дан 10 очко олдинда бормоқда.
"Футбол, тезлик, тўп билан хотиржамлик... Томоша қилиш қизиқ. Мен бу ҳақда ярим соат гаплашишим мумкин эди.
Бу менга Иньеста, Хави ва Мессиси бор "Барселона"ни эслатади. Менимча, "Байер" ҳозир ҳам худди шундай кўрсатмоқда.
Ҳозир мен учун бу дунёдаги энг кучли футбол жамоаси.
Мен уларни "Ливерпуль" ва "Манчестер Сити" билан солиштирмоқчи эмасман, лекин "Байер" бу мавсумда мен кўрган энг сифатли футболни ўтказмоқда" - деди "Бавария"нинг собиқ футболчиси Лотар Маттеус Interwetten нашрига.
