“Ювентус” юлдузи Федерико Кьезанинг отаси Энрико Кьеза “Милан” ва “Рома” клублари ўртасидаги Европа Лигаси чорак финал баҳси ҳақидаги фикрлари билан ўртоқлашди.

Кьеза бу қарама-қаршиликни турнир финалига муносиб, деб ҳисоблайди.

"Италиянинг ушбу клубларидан бирининг Европа лигасининг ярим финалида иштирок этиши яхши. Лекин ишонаманки, бу клубларнинг ҳар бири ҳақиқатан ҳам финалга лойиқ", - дея собиқ футболчининг сўзларини келтиради pianetamilan.it.

Эслатиб ўтамиз, “Милан” ҳам, “Рома” ҳам ўтмишда ҳеч қачон Европа Лигасида ғалаба қозона олмаган. Улар ўртасидаги илк ўйин 11 апрель куни бўлиб ўтади.