Каталониянинг "Барселона" клуби янги бош мураббийликка номзодлар рўйхатидан тўрт нафар номзодни олиб ташлади.
Журналист Фернандо Полонинг маълумотларига кўра, ёзда "кўк-анорранглилар"ни Роберто де Дзерби, Томас Тухель, Юлиан Нагельсманн ва Микель Артета бошқармайди.
Аввалроқ, "Барселона" Хавини яна бир мавсум мураббий сифатида қолишига кўндиришга уриниши мумкинлиги ҳақида хабар берилганди. Шу билан бирга, испаниялик мутахассис январь ойидаёқ ёзги фаолиятини якунлашини эълон қилганди.
Рафаэль Маркес, Ханц-Дитер Флик ва ҳозирда "ПСЖ"ни бошқараётган Луис Энрике "Барселона" бош мураббийлигига номзод бўлиб қолмоқда. Айнан парижликлар билан "Барселона" тез орада Чемпионлар лигасининг чорак финалида ўйнайди.
