Кеча Самарқанддаги “Динамо” стадионига бўлиб ўтиши керак бўлган “Динамо” – “Гулистон” ўйини олдидан марказий стадионга 2000 дан зиёд муxлис ташриф буюрди.
Муxлислар кўпчилиги бехабар бўлгани учун узоқ ҳудуд ва шаҳар атрофидан кўплаб муxлислар стадионга келиб бўлгандан сўнггина стадионда ўйин ўтказилмаслиги ҳақида хабар топган.
Об-ҳавонинг ёмонлиги учун қолдирилган учрашув ҳақида гарчи интернет орқали бир нечта хабарлар бериб ўтилган бўлса ҳам бундан бехабарлар кўпчиликни ташкил этган.
Эслатиб ўтамиз қолдирилган учрашув қачон бўлиб ўтиши ҳақида ҳали расмий маълумот эълон қилинмаган. “Динамо” навбатдаги учрашувни 16 март куни сафарда “Металлург” клубига қарши ўтказади.