"Спортинг" бош мураббийи Рубен Аморим ва "Брайтон" раҳбари Роберто Де Дзерби Юрген Клопп ўрнига асосий номзодлар, деб хабар бермоқда Британиянинг Daily Mail интернет нашри.
Аввалроқ “Ливерпуль” Алонсони тайинлаш вариантини кўриб чиқмаётгани маълум бўлган эди, чунки испаниялик “Байер”да яна камида бир мавсум қолиш ниятида. Қайд этилишича, “қизиллар” раҳбарияти муқобил номзодларга, жумладан Аморим ва Де Дзербига ўтади.
Мерсисайдликларни бошқараётган Юрген Клопп жорий мавсум якунида жамоани тарк этади. Бугунга келиб, "Ливерпуль" 28 учрашув натижасига кўра 64 очко жамғарган ҳолда Англия Премьер-лигаси турнир жадвалида иккинчи ўринда бормоқда.
