Вилли Кирк жамоа ўйинчиларидан бири билан муносабати туфайли "Лестер"дан ҳайдалди.
"Лестер" аёллар жамоаси бош мураббий Вилли Киркни аёл футболчи билан муносабати туфайли истеъфога чиқарди.
Аввалроқ, 45 ёшли мураббий тергов жараёнида клуб билан ишлашдан четлаштирилган эди.
"Уилли клубнинг ахлоқ кодексини бузгани аниқланди, унинг бу лавозимдаги фаолияти энди мақбул эмас", - дейилади "Лестер" баёнотида.
Клуб Кирк бузган ахлоқ кодекси 2023/24 йилги мавсум олдидан жорий қилинганини айтди. Кодекс клубнинг футболчилар, мураббийлар ва техник ходимлар ўртасида аёллар футболида профессионалликни оширишга қаратилган мажбуриятларининг бир қисмини ташкил этади.
BBC хабарига кўра, Киркни ишдан бўшатиш тўғрисидаги қарор аёллар футболидаги футболчи ва мураббий муносабатлари қизғин текширилаётган бир пайтда қабул қилинган.
