Алонсонинг "Байер" билан шартномаси тафсилотлари маълум бўлди. Фабрицио Романонинг сўзларига кўра, Хабининг "Байер" билан шартномасидаги кетиш банди 2025 йилнинг ёзида кучга киради.
Олдинроқ испаниялик камида 2025 йилнинг ёзига қадар жамоани тарк этмаслиги ҳақида маълумотлар пайдо бўлганди. Манбага кўра, Алонсо аллақачон янги трансферларни режалаштирган ва Флориан Вирцни жамоада сақлаб қолишга ҳаракат қилмоқда.
"Ливерпуль", "Бавария" ва "Реал" мураббийни кузатишда давом этмоқда. Мавсум тугашига 8 тур қолганида “Байер” Бундеслигада 1-ўринда, 2-ўриндаги “Бавария”дан 10 очко олдинда.
