"Барселона" мухлислари учун хушхабар. Жамоанинг икки муҳим ўйинчиси ярим ҳимоячилар Френки де Йонг ва Педри "ПСЖ"га қарши Чемпионлар лигаси 1/4 финалининг биринчи ўйинида майдонга тушишга тайёр бўлишлари кутилмоқда.
Mundo Deportivо ўз саҳифаларида хабар беришича, "Барселона" шифокорларининг фикрича, де Йонг ва Педри Париждаги ўйингача тикланиш учун вақт топадилар.
Педри аллақачон майдонда индивидуал машғулотларни қайта бошлаган, Де йонг эса тез орада индивидуал машғулотларни бошлайди.
“ПСЖ” – “Барселона” ўртасидаги Чемпионлар лигаси учрашуви 10 апрель, чоршанба куни бўлиб ўтади. Жавоб ўйини 16 апрель кунига белгиланган.
