"Арсенал" бош мураббийи Микель Артета жума куни журналистлар билан суҳбатда жамоа мухлисларига умид берди. Мутахассиснинг фикрича, Букайо Сака, Габриэль Мартинелли ва Габриэль Магальянсда "Манчестер Сити"га қарши ўйнаш имконияти бор.
“Сака, Мартинелли ва Габриэль? Ҳа, уларда “Манчестер Сити”га қарши ўйнаш имконияти бор. Улар машғулот ўтказмаган, лекин эртага яна битта машғулот бўлади. Уларнинг барчаси мавжуд бўлиш эҳтимоли бор", деди Артета матбуот анжуманида.
"Арсенал" ҳозирда Премьер-лигада пешқадамлик қилмоқда. Жамоа 31 март, якшанба куни сафарда “Манчестер Сити”га қарши баҳс олиб боради.
