"Наполи" Хуан Жезус билан бўлган воқеа ортидан ирқчиликка қарши кампания бошлади.
Эслатиб ўтамиз, “Наполи” – “Интер” ўйинидан сўнг Хуан Жезус Франческо Ачербини ирқчиликка доир сўзларни ишлатганликда айблаган эди.
Сешанба куни спорт ҳаками италияликнинг айби исботланмаган деб қарор қилди ва у жазодан қутулиб қолди.
Неапол клуби “Наполи” футболчиларининг сукут сақлаётгани акс этган видеони жойлаштирди. Ўйинчиларнинг кўзлари кўринмайди, фақат юзларининг пастки қисмлари акс этганди.
"Биз тенглик ва ҳурмат шунчаки беҳуда хаёл эмас, балки аниқ ва умумеътироф этилган тамойиллар асосида қурилган дунёга ишонамиз.
Бу содир бўлиши учун биз жим турмаслигимиз керак. Эртага биз учун овозимизни кўтариш ва биргаликда ирқчиликка ЙЎҚ дейишимиз учун тўғри имкониятдир", дейилади видео тагида.
