Лиссабоннинг “Спортинг” клуби бош мураббийи Рубен Аморим испаниялик Хаби Алонсонинг трансфери амалга ошмай қолганидан кейин “Ливерпуль” бош мураббийи лавозимини эгаллаш учун фаворит ҳисобланади.
The Telegraph журналистларининг ёзишича, мерсисайдликлар клуби раҳбарияти мутахассис трансфери учун 15 миллион евро тўлашга тайёр. Бундай товон пули Аморимнинг "Спортинг" билан тузилган меҳнат шартномасида кўрсатилган.
Мавсум якунида германиялик Юрген Клопп “Ливерпуль” бош мураббийи лавозимини тарк этади. Англия чемпионатининг 28-туридан сўнг мерсисайдликлар 64 очко жамғариб, турнир жадвалида иккинчи ўринда бормоқда.
