"Манчестер Юнайтед" бош мураббийи Эрик тен Хаг ўтган мавсумда Лига кубоги финалидан сўнг ярим ҳимоячи Кобби Майну билан бўлган суҳбати ҳақида гапирди.
Эслатиб ўтамиз, 2023 йилнинг февралида "манкунианликлар" "Уэмбли"да "Ньюкасл"ни мағлуб этишган ва сўнгги 6 йилдаги илк совринини қўлга киритишганди.
"Мен Лига кубоги финалидан кейин Майнуга унинг вақти келишини айтдим. Келажакда бирга кўплаб совринларни ютишимизни ҳам айтдим.
Кобби ақл бовар қилмас футболчи, у ҳар доим ғалаба қозонишни хоҳлайди. Майну ҳар доим тараққиётга эришиш учун қўлидан келганини қилишни хоҳлайди", - деди Тен Хаг матбуот анжуманида.
