"Байер" 2024/25 йилги мавсумдаги Чемпионлар лигаси йўлланмасини қўлга киритди.

Бундеслиганинг 27-турида “Байер” ўз майдонида “Хоффенхайм”ни мағлуб этди (2:1).

Хаби Алонсо жамоаси кейинги мавсумда Чемпионлар лигасида иштирок этишини кафолатлади, бунда Германия чемпионатда дастлабки тўртта ўринни эгаллаган жамоалар мамлакат шарафини ҳимоя қилади.

7 тур қолганда “Байер”нинг “Лейпциг” жойлашган бешинчи ўрин билан фарқи 23 очкони ташкил этади. Леверкузен клуби ҳозирда Бундеслига турнир жадвалида пешқадамлик қилмоқда ва "Бавария"дан 13 очко олдинда.

Бу мавсумда “Байер” Европа лигасида ўйнамоқда – клуб чорак финалда “Вест Хэм” билан тўқнаш келади. Ўтган мавсумда немис клуби Чемпионлар лигаси гуруҳ босқичида ўйнаган, кейин эса Европа Лигаси ярим финалида “Рома” томонидан мағлуб этилган.