"Арсенал" бош мураббийи Микель Артета Англия чемпионатининг 30-туридан ўрин олган "Манчестер Сити"га қарши ўйин ҳақида гапирди.
Эслатиб ўтамиз, “Этиҳад” стадионида бўлиб ўтган учрашув 0:0 ҳисобида дуранг билан якунланганди.
"Ҳеч қандай ҳолатда қўлга киритилган бир очко билан тўлиқ қониқиб бўлмайди. Ўйлайманки, биз бугун катта қадам ташладик. Ўтган мавсумда бу ерда ўйнаш тажрибамиз бор эди, бугун эса бошқача ўйнадик. "Арсенал" яхшироқ ҳаракат қилиши мумкин эди. Бизга вазминлик етишмади, бизда бир қанча хавфли лаҳзалар бўлди, аммо улардан фойдалана олмадик”, — дея испаниялик мутахассиснинг сўзларини келтиради BBC.
