"Arsenal" bosh murabbiyi Mikel Arteta Angliya chempionatining 30-turidan o‘rin olgan "Manchester Siti"ga qarshi o‘yin haqida gapirdi.

Eslatib o‘tamiz, “Etihad” stadionida bo‘lib o‘tgan uchrashuv 0:0 hisobida durang bilan yakunlangandi.

"Hech qanday holatda qo‘lga kiritilgan bir ochko bilan to‘liq qoniqib bo‘lmaydi. O‘ylaymanki, biz bugun katta qadam tashladik. O‘tgan mavsumda bu yerda o‘ynash tajribamiz bor edi, bugun esa boshqacha o‘ynadik. "Arsenal" yaxshiroq harakat qilishi mumkin edi. Bizga vazminlik yetishmadi, bizda bir qancha xavfli lahzalar bo‘ldi, ammo ulardan foydalana olmadik”, — deya ispaniyalik mutaxassisning so‘zlarini keltiradi BBC.