Германия чемпионатида 27-тур учрашувлари бўлиб ўтди, “Штутгарт” ўз майдонида “Хайденхайм”ни қабул қилди, аммо дебютантни мағлуб эта олмади, ўйин 3:3 ҳисобида якунланди. Бу ўйинда айнан “Штутгарт” биринчи бўлиб гол урди ва бу голни клубнинг жорий мавсумдаги асосий тўпурари Серу Гирасси киритди.
Маълум бўлишича, Гирасси жорий мавсумда саккизинчи бор ўйиндаги илк голини киритиб, 2006/2007 йилги мавсумда Марио Гомес томонидан ўрнатилган клуб рекордини такрорлади. Ўша йилда, “Штутгарт” Германия чемпионлигини қўлга киритганди.
Бундеслиганинг навбатдаги турида Гирасси жамоадошлари Дортмунднинг “Боруссия” жамоасига қарши баҳс олиб боради.
