"Арсенал" бош мураббийи Микель Артета Англия Премьер-лигасининг 30-туридан ўрин олган "Манчестер Сити"га (0:0) қарши ўйинда ҳужумчи Букайо Сака алмаштирилгани ҳақида фикр билдирди. “Канонирлар” ҳужумчиси 78-дақиқада майдонни тарк этди.

"У бугун тўпланган чарчоқ туфайли алмаштирилди, жиддий ҳеч нарса йўқ", деди Артета ўйиндан кейинги матбуот анжуманида.

22 ёшли Сака жорий мавсумда “Арсенал” сафида барча турнирларда 38 та ўйинда майдонга тушиб, 16 та гол урди ва 13 та голли узатмани амалга оширди.