Transfermarkt портали экспертлари Европадаги энг қиммат таркибга эга жамоалар рейтингини тақдим этди. Биринчи ўринни Англиянинг "Манчестер Сити" жамоаси эгаллади.

"Манчестер Сити" футболчиларининг умумий қиймати 1,2 миллиард еврони ташкил қилади. Иккинчи ўринда Лондоннинг "Арсенал" клуби жойлашган. "Канонирлар" футболчиларининг қиймати 1,12 миллиардга баҳоланмоқда.

Кучли учликни "Реал" ёпди – 1,04 млрд.

Transfermarkt рейтингида кейинги ўринларда "ПСЖ" (1,02 миллиард евро), "Бавария" (929 миллион), "Челси" (928), "Ливерпуль" (921), "Барселона" (840), "Тоттенхем" (777) ва "Манчестер Юнайтед" (734) клублари жойлашган.