Мадриднинг “Реал” клуби бош мураббийи Карло Анчелотти марказий ҳимоячи Эдер Милитаонинг савияси ҳақида гапирди. Кеча Билбаонинг "Атлетик" клуби билан ўйинда бразилиялик узоқ вақт танаффусдан сўнг илк бор майдонга тушди.
“Милитао дунёнинг энг яхши марказий ҳимоячиларидан бири. Албатта, унга яхшироқ формага қайтиш учун вақт керак. Бироқ Эдернинг қайтиши биз учун жуда муҳим", - деди Анчелотти матбуот анжуманида.
"Реал Мадрид"нинг навбатдаги ўйини 9 апрель куни бўлиб ўтади. "Қироллик клуби" Чемпионлар лигасининг биринчи чорак финалида ўз уйида "Манчестер Сити"ни қабул қилади.
