Лондоннинг "Арсенал" клуби "Реал Сосьедад"нинг ярим ҳимоячиси Мартин Субимендини ҳамон жамоага олиб келмоқчи. Журналист Фабрицио Романонинг хабарига кўра, "канонирлар" испаниялик футболчини ёзги трансфер ойнасида ўз сафига қўшиб олмоқчи.
Субименди "Бавария"нинг ҳам радарида. Агар Алонсо "қизил машина"ни бошқарганида, Мартиннинг трансфери эҳтимоли сезиларли даражада ошган бўларди, аммо испаниялик мутахассис "Байер"да қолишга қарор қилди.
Бироқ, “Бавария” ҳали ҳам Субименди трансфери учун кураша олади. Эслатиб ўтамиз, 25 ёшли ярим ҳимоячининг шартномасида товон пули 60 миллион евро қилиб белгиланган.
