Австрия терма жамоаси бош мураббийи Ральф Рангник "Бавария" бош мураббийи лавозимига асосий номзодлардан бири бўлиб қолмоқда.
Яқинда Мюнхен клуби Хаби Алонсо билан музокараларда муваффақиятли натижадан умидини йўқотди, чунки у "Байер"да қолишга қарор қилди. Журналист Георг Хользнернинг янгиланган хабарига кўра, Рангникни тайинлаш варианти "Бавария"да тобора оммалашиб бормоқда. Клуб бошқарувида 65 ёшли мураббийни қўллаб-қувватловчилар бор ва улар уни таркибни қайта қуришга қодир бўлган муваффақиятли мутахассис деб билишади.
Ральф Рангникнинг Австрия футбол ассоциацияси билан шартномаси 2026 йилгача мўлжалланган.
Эслатиб ўтамиз, Томас Тухель мавсум якунида “Бавария”ни тарк этади.
