"Брайтон" бош мураббийи Роберто де Дзерби келажаги борасидаги вазиятга ойдинлик киритмоқчи.
Италиялик мураббийнинг "Брайтон" билан шартномасидаги товон пули 14-15 миллион еврони ташкил этади, бундан эса мутахассисга даъвогарлар фойдаланиши мумкин. Бу банд фақат ёзда амал қилади ва яқин келажакда Де Зерби келгусида ҳамкорлик масаласига ойдинлик киритиш мақсадида ўз келажагини "чағалайлар" раҳбарияти билан муҳокама қилмоқчи, дея хабар беради инсайдер Фабрицио Романо.
44 ёшли мураббийга асосий даъвогарлар "Бавария" ва "Ливерпуль" бўлиб турибди. Мюнхенликлар раҳбарлари ички йиғилишларда де Зерби номзодини фаол муҳокама қилишмоқда; "Ливерпуль" ҳали "Брайтон" мураббийини таклиф қилиш борасида иш бошламаган.