"Тоттенхэм" бош мураббийи Ангелос Постекоглу ярим ҳимоячи Пьер-Эмил Хёйбьергнинг сўнгги баёнотига изоҳ берди.
Ўтган ҳафта даниялик ўз интервьюсида жамоадаги захирадаги ролидан норозилиги ҳақида гапирди.
“У қўлидан келганини қилади. Сўзларидан кўриниб турибдики, у яхши машғулот ўтказмоқда ва етарлича ўйнамаганидан норози. Мен уни тушунаман. Жамоадаги ролидан норози бўлган бошқа футболчилар ҳам бўлиши мумкин. Ҳаммаси яхши, мен уларни тушунаман.
Албатта, бу Хёйбьергга ҳам тегишли, аммо қайиқда бошқалар ҳам бор. Уларнинг барчаси курашади, ўйинчилар ўртасида индивидуал рақобат йўқ. Мен ҳар доим машғулотлар ва ўйинлар давомида кўрганларимга асосланиб, жамоа манфаатларини кўзлаб қарор қабул қиламан", - дея Постекоглу сўзларидан иқтибос келтиради инглиз ОАВ.