“Интер” бош мураббий Симоне Индзаги қўл остида 100-ғалабасини қўлга киритди.

Душанба куни “нерадзуррилар” А Сериянинг 30-турида “Эмполи”ни Федерико Димарко ва Алексис Санчеснинг мос равишда 5 ва 81-дақиқаларда киритган голлари эвазига мағлуб этишди. Индзаги учун бу ғалаба Милан гранди бошқарувидаги 150 учрашувдаги 100-ғалаба бўлди. 47 ёшли мураббий қўл остидаги 25 та ўйинда “Интер” дуранг ўйнаган бўлса, яна 25 марта рақиблар устунликка эришган. Умумий тўплар фарқи 297:126.

Симоне Индзаги 2021 йилнинг ёзида “Интер”ни қабул қилиб олганди. "Милан"га ўтишдан олдин мутахассис беш йил давомида "Лацио" бош мураббийи лавозимида ишлаган.