Лондоннинг “Фулхэм” клуби бош мураббийи Марко Силва ҳужумчи Армандо Броянинг келажаги ҳақида гапирди. Албаниялик форвард январ ойида "Челси"дан келиб қўшилган эди. Шартнома мавсум охиригача ижара асосида тузилган.
"Ҳозирча Броянинг келажаги ҳақида гапира олмайман. Армандо бизнинг футболчимиз эмас. Вазият фақат бизга боғлиқ эмас", - деди Силва матбуот анжуманида.
“Фулхэм” Броянинг ижараси учун 4 миллион евро тўлаган, гарчи албаниялик футболчи жамоанинг асосий ҳужумчиси бўлмаса-да. Айни дамда Армандо клуб сафида Англия Премьер-лигасида 4 та ўйин ўтказишга муваффақ бўлди ва битта самарали узатмани амалга оширди.