Италия терма жамоасининг собиқ ҳимоячиси Женнаро Гаттузо "Палермо" бош мураббийи Эудженио Коринини ўрнини эгаллаши мумкин. Бу ҳақда журналист Николо Скира ижтимоий тармоғида хабар берди.
Италиялик мутахассиснинг сўнгги иш жойи 2023 йил сентябридан 2024 йилнинг февралигача Франциянинг "Марсель" клуби бўлган. Бунгача Гаттузо “Валенсия” (2022-йил июль – 2023-йил январь), “Наполи” (2019-2021), “Милан” (2017-2019) клублари бош мураббийи сифатида ишлаган.
Эслатиб ўтамиз, “Палермо” айни дамда Италия Б Сериясида ўйнайди. Ушбу мусобақанинг 31-туридан сўнг, Корини шогирдлари 49 очко жамғариб, пешқадам “Парма”дан 16 очко ортда қолган ҳолда олтинчи ўринда бормоқда.
