"Барселона" нима учун Хавини қолишга ишонтирмоқчи эканлиги маълум бўлди.
Mundo Deportivo хабарига кўра, бу борада президент Жоан Лапорта, вице-президент Рафа Юсте ва спорт директори Деку ишламоқда.
Лапорта фикрича, агар "Барса" Ла Лига ёки Чемпионлар лигасида ғолиб чиқса ёки ўша мусобақаларда ғалаба қозониш учун охиригача курашса, Хави фикрини ўзгартириши мумкин. "Барса" президенти мураббийдан якуний қарорни кутишга тайёр, чунки у Хавининг ҳозирги таркибдан кўп нарса олишига ишонади. Бу, айниқса, Хави қўл остида имкониятга эга бўлган ёш футболчиларга тегишли: Ламин Ямаль, Фермин Лопес, Пау Кубарси, Эктор Форт ва Марк Касадо.
Лапорта, Юсте ва Деку Хавининг клуб ҳолатига мослашганини, бу эса уни исталган трансферлардан воз кечишга мажбур қилганини мақтади. Мураббий ҳеч қачон "Барса" унинг истакларини бажара олмаётганидан нолимаган.
Шу омиллар туфайли Лапорта Хави 2025 йилгача мўлжалланган ва бир мавсумга узайтириш имкониятига эга бўлган шартномасини ишлаб чиқишни хоҳлайди. "Барселона" жамоасини кучайтириш учун ёзда бир нечта трансферларни амалга оширишни режалаштирмоқда. 2025 йилда клуб "Манчестер Сити" ҳужумчиси Эрлинг Холандни мақсад қилган.
