"Манчестер Юнайтед" Жоау Невеш учун "Бенфика"га 100 миллион евродан кўпроқ таклиф қилишга тайёр.
Sport Witness нашрининг Record нашрига таяниб хабар беришича, "Манчестер Юнайтед" 19 ёшли ярим ҳимоячининг трансферини кейинги мавсум учун устувор вазифа деб ҳисобламоқда. Клуб Невешнинг ўйинини кўп марта кузатган ва уни Бруну Фернандеш билан ярим ҳимояда бир жамоада кўришни истайди.
Қайд этилишича, "Бенфика" Невешни сақлаб қолишга қизиқмоқда. "Манчестер Юнайтед" португалиялик учун 105 миллион евродан кўпроқ таклиф қилиши мумкин, Невешнинг товон пули эса 120 миллион еврони ташкил қилади.
Португалия чемпионатининг жорий мавсумида Жоау Невеш 27 учрашувда 3 та гол ва 1 голли узатмани амалга оширди.
