Англия премьер-лигасининг 31-тур учрашувлари бўлиб ўтмоқда, "Борнмут" ўз уйида "Кристал Пэлас"ни минимал устунлик билан мағлуб этиб, навбатдаги муваффақиятга эришди.
Ҳозир жамоа чемпионат жадвалида ўн биринчи ўринни эгаллаб турибди ва клубнинг испаниялик мураббийи Андони Ираола еврозона ҳақидаги саволга жавоб берди.
Аммо Ираола бунга салбий жавоб берди:
"Йўқ. Бизнинг вазифамиз лигада қолишдир. Бизнинг мақсадларимиз оддий. Лекин жадвалнинг юқори ярмидан жой олиш янада ёқимли.
Менинг оддий мақсадим - "Борнмут" билан АПЛда максимал очко олиш. Бизда 41 очко бор, рекорд 46 тани ташкил этади", - дея Ираоланинг сўзларини келтиради BBC Sport.
