"Лестер" сўнгги 3 мавсумда йўқотиш чегарасидан сезиларли даражада ошиб кетди.
Аввалроқ, "Лестер" Премьер-лиганинг навбатдаги мавсумида очколари олиб қўйилиши ҳақида маълумот пайдо бўлганди. Клуб 2022/23 йилги мавсумда молиявий қоидаларни бузганликда айбланган, шундан сўнг "тулкилар" Чемпионшипга тушиб кетган ва "Лестер" Премьер-лигани судга берган.
BBC нашри хабарига кўра, "Лестер" 2022/23 йилги мавсумда 74,8 миллион фунт стерлинглик ўйинчи сотишдан тушган даромадга қарамай, 89,7 миллион фунт стерлинг зарар кўрган.
Шундай қилиб, "Лестер"нинг сўнгги 3 йилдаги умумий йўқотишлари 215,3 миллион фунт стерлингни ташкил этди, бу рухсат этилгандан 105 миллион кўп.
Эслатиб ўтамиз, жорий мавсум бошида Премьер-лига ушбу лимитдан ошиб кетгани учун “Эвертон” ва “Ноттингем Форест”дан очко олиб ташлаганди.
Чемпионшипнинг жорий мавсумида “Лестер” 40 турдан кейин пешқадамдан 2 очкога ортда қолган ҳолда 3-ўринда бормоқда.
