Ханс-Дитер Флик "Барселона"ни бошқаришни истамоқда.
Diario Sport хабарига кўра, "Бавария"нинг собиқ бош мураббийи испан клубида иш бошлашни "телбаларча" истайди.
59 ёшли мутахассис, умуман олганда, имкон қадар тезроқ янги ва юқори савиядаги жамоа топишдан манфаатдор. У Германиядан ташқарида ҳам ўз кучини синаб кўришга қарор қилди. "Барселона" варианти унга мос келади.
Шу билан бирга, "Блауграна" раҳбарияти биринчи навбатда мавсум қандай якунланишини кўрмоқчи. Хавининг мураббий сифатида қолиши эҳтимоли бор.
Флик кутишга тайёр. Қайд этилишича, у каталонияликларнинг ўйинларини кузатмоқда ва ҳозирданоқ қандай тактик ўзгаришлар бўлиши мумкинлиги ҳақида ўйлаяпти.
