"Бенфика" клуби ярим ҳимоячи Анхель ди Марияни камида яна бир мавсум ўз сафида сақлаб қолмоқчи. Италиялик инсайдер Николо Скиранинг хабар беришича, "бургутлар" келаси мавсум охиригача янги шартнома имзолаш учун аргентиналик билан музокараларни бошлаб юборган.
Ди Мариянинг "Бенфика" билан амалдаги шартномаси жорий мавсум охирида тугайди, аммо Лиссабон клуби Анхелни эркин агент сифатида йўқотишни истамаяпти. Аргентиналик футболчининг ўзи келаси ёзда Европани тарк этишга тайёрми ёки йўқлигини ҳали ҳал қилмаган.
36 ёшли Ди Мария жорий Португалия чемпионатида 23 та ўйин ўтказиб, 8 та гол ва 7 та голли узатмани амалга оширган.
