"Лидс" ярим ҳимоячиси Арчи Грэй ёзги трансфер ойнасида клубини ўзгартириши мумкин.
Журналист Экрем Конурнинг ёзишича, 18 ёшли футболчининг хизматларига "Ливерпуль" қизиқиш билдирмоқда. Аввалроқ инглиз гиганти "Лидс"нинг яна бир футболчиси Крисенсио Саммервиллени кузатиб бораётгани ҳақида хабар берилганди.
2023/24 йилги мавсумда Грэй барча турнирларда 43 та учрашувда қатнашиб, битта гол урди ва иккита голли узатмани амалга оширди.
Грэйнинг "Лидс" билан амалдаги шартномаси 2028 йилнинг июнь ойи охиригача амал қилади. Transfermarkt портали ёш футболчининг нархини 16 миллион еврога баҳоламоқда.
