"Байер" тарихида илк бор Германия чемпиони бўлишга яқинлашмоқда. "Доришунослар" мавсумни ажойиб ўтказмоқда, аммо ёзда улар Чемпионлар лигасида рақобатбардош бўлиш учун таркибни кучайтириш ва кенгайтиришга ҳаракат қилишади.
TodoFichajes нашрининг маълум қилишича, "Байер" "Реал"нинг чап қанот ҳимоячиси Фран Гарсияга кўз тиккан. 24 ёшли футболчи ёзда Мадрид клубини тарк этиши мумкин, бунга сабаб - Альфонсо Дэвиснинг трансфери.
Гарсияга Леверкузеннинг "Байер" жамоаси даъвогарлик қилади, аммо унга "Бетис" ва "Боруссия" (Д) ҳам қизиқиш билдирмоқда. Transfermarkt портали Фран Гарсияни 15 миллион еврога баҳоламоқда.
