"Bayer" tarixida ilk bor Germaniya chempioni bo‘lishga yaqinlashmoqda. "Dorishunoslar" mavsumni ajoyib o‘tkazmoqda, ammo yozda ular Chempionlar ligasida raqobatbardosh bo‘lish uchun tarkibni kuchaytirish va kengaytirishga harakat qilishadi.
TodoFichajes nashrining ma’lum qilishicha, "Bayer" "Real"ning chap qanot himoyachisi Fran Garsiyaga ko‘z tikkan. 24 yoshli futbolchi yozda Madrid klubini tark etishi mumkin, bunga sabab - Alfonso Devisning transferi.
Garsiyaga Leverkuzenning "Bayer" jamoasi da’vogarlik qiladi, ammo unga "Betis" va "Borussiya" (D) ham qiziqish bildirmoqda. Transfermarkt portali Fran Garsiyani 15 million yevroga baholamoqda.
