"Арсенал" футболчиси Александр Зинченко Англия чемпионатида олтин медаллар учун кураш ҳақида гапирди.
"Чемпионлик учун курашда рақиблар билан бўлган ўйинлардаги натижалар бизга ишонч бағишладими? 100 фоиз, мен сизга ёлғон гапирмайман. Бу натижалар чемпионлик учун энг яхши клублар билан курашишга тайёр эканлигимиздан далолат беради. Ўтган ҳафта охиридаги "Манчестер Сити"га қарши ўйин психологик жиҳатдан муҳим эди. "Манчестер Сити" ва "Ливерпуль" каби жамоаларга қарши ўйнаш осон эмас", - деди украиналик футболчи The Guardian билан суҳбатда.
Микель Артета жамоаси 68 очко билан Премьер-лига турнир жадвалида биринчи ўринда бормоқда. "Ливерпуль" иккинчи ўринда, аммо уларда битта захира ўйин бор. Кучли учликни "Манчестер Сити" якунлаб турибди.
