Англия Премьер-лигаси (АПЛ) молиявий фэйр-плейни бузган клублардан очколарни олиб қўйиш жазосини, яъни рентабеллик ва барқарорлик қоидасини бекор қилиши мумкин.

Бунинг ўрнига "ҳашаматли солиқ" кўриб чиқилмоқда, унга кўра кўп пул сарфлаган клублар молиявий жазога тортилади.

Илгари мустақил комиссия қарори билан "Ноттингем Форест" рентабеллик ва барқарорлик қоидаларини бузгани учун тўрт баллдан маҳрум қилинган эди.

Бу қоидаларни бузгани учун бу йил очколардан маҳрум бўлган яна бир клуб "Эвертон" бўлди. Аввалига клуб 10 очкодан маҳрум қилинганди, аммо муваффақиятли мурожаатдан сўнг унга 4 очко қайтарилди.

Daily Mail хабарига кўра, Англия чемпионати клубларининг аксарияти бундай жазо чораларини ўта қаттиқ деб ҳисоблаган. Шунингдек, жорий жазо тизими давом этса, Премьер-лига дунёнинг энг яхши лигаси сифатидаги даромадли мавқеини йўқотиши мумкинлиги, чунки клублар бундан буён юқори маошлар орқали энг яхши футболчиларни жалб эта олмай қолиши қайд этилган.

Нашрнинг ёзишича, клублар аллақачон туб ислоҳотларни муҳокама қилишган. Июнь ойида 2023/24 йилги мавсум якунлари бўйича йиғилиш якунида янги тизимни жорий этиш тўғрисида қарор қабул қилиниши мумкин.

Қайд этилишича, 20 та клубдан 17 таси жиддий ўзгаришларга мойил. Бироқ регламентга ўзгартириш киритиш учун 14та клубнинг розилиги талаб қилинади.