“Ливерпуль” АПЛ турнир жадвалида пешқадамликни сақлаб қолди.

Англия чемпионатининг 31-турида Юрген Клопп шогирдлари “Шеффилд Юнайтед”дан устун келди (3:1).

Кеча "Манчестер Сити" "Астон Вилла" устидан ғалаба қозонди (4:1), "Арсенал" эса "Лутон"ни мағлуб этди (2:0).

Мерсисайдликлар ўтказилган 30 та ўйиндан сўнг АПЛ турнир жадвалида биринчи ўринда қолмоқда - уларда 70 очко бор. “Канонирлар” лига пешқадамидан 2 очко, “шаҳарликлар” 3 очко ортда қолмоқда.

АПЛнинг навбатдаги турида “Ливерпуль” “Манчестер Юнайтед” билан, “Арсенал” “Брайтон” билан, “Манчестер Сити” эса “Кристал Пэлас” билан куч синашади. Ушбу ўйинлар 6-7 апрель кунлари бўлиб ўтади.