"Женоа" ҳужумчиси Матео Ретеги "Ювентус"га ўтиши мумкин.
24 ёшли футболчи А Сериядаги дебют мавсумида ўзини муваффақиятли кўрсатди, шунингдек, Италия терма жамоаси учун олтита ўйинда тўртта гол уришга муваффақ бўлди. Tuttosport хабарига кўра, "Ювентус" аллақачон Ретеги билан шартнома имзолаш устида ишламоқда. Ҳужумчини "кекса синьора" Душан Влаховичга захира сифатида кўрмоқда.
Матео Ретеги ушбу мавсумда “Женоа” сафида 25 та ўйинда майдонга тушиб, 8 та гол ва 3 та голли узатмага муаллифлик қилган. Transfermarkt портали экспертларининг фикрича, футболчининг нархи 16 миллион еврони ташкил қилади.
