"Jenoa" hujumchisi Mateo Retegi "Yuventus"ga o‘tishi mumkin.

24 yoshli futbolchi A Seriyadagi debyut mavsumida o‘zini muvaffaqiyatli ko‘rsatdi, shuningdek, Italiya terma jamoasi uchun oltita o‘yinda to‘rtta gol urishga muvaffaq bo‘ldi. Tuttosport xabariga ko‘ra, "Yuventus" allaqachon Retegi bilan shartnoma imzolash ustida ishlamoqda. Hujumchini "keksa sinyora" Dushan Vlaxovichga zaxira sifatida ko‘rmoqda.

Mateo Retegi ushbu mavsumda “Jenoa” safida 25 ta o‘yinda maydonga tushib, 8 ta gol va 3 ta golli uzatmaga mualliflik qilgan. Transfermarkt portali ekspertlarining fikricha, futbolchining narxi 16 million yevroni tashkil qiladi.