"Реал Мадрид" футболчилари "Байер" бош мураббийи Хаби Алонсо аввалроқ футболчи сифатида ўйнаган "қироллик клуби"ни бошқаришни исташига ишонч билдирмоқда.
Бу ҳақда Испаниянинг Relevo нашри хабар берди. Манбанинг таъкидлашича, Алонсонинг келажаги билан боғлиқ вазият "Реал Мадрид" кийиниш хонасида бир неча бор муҳокама қилинган.
"Лос-Бланкос" футболчиларининг фикрича, Хаби "Ливерпуль" ва "Бавария"дан воз кечган, чунки у келажакда "Реал"ни бошқаришни хоҳлайди.
"Қироллик клуби"нинг амалдаги бош мураббийи Карло Анчелоттининг шартномаси 2026 йилнинг ёзида якунига етади.
