Халқаро футбол иттифоқи ФИФА терма жамоаларнинг ўтган ой натижаларини қўшиб ҳисоблаган янги рейтингини эълон қилди.

Унга кўра Ўзбекистон терма жамоаси икки ўрин пастга тушиб 59-ўриндан жой олди. Эрон терма жамоаси эса бир поғона кўтарилиб 57-ўринга кўтарилди ва шу билан бирга Осиёнинг тўртинчи жамоаси ўрнини Ўзбекистондан яна тортиб олди. Ўзбекистонни қувиб ўтган яна бир терма жамоа эса бу Африка қитъаси вакили Кабо Верде терма жамоаси бўлди.

Умумий рейтингнинг кучли ўнлигида ҳеч қандай ўзгариш кузатилгани йўқ. Испания терма жамоаси ҳамон катта устунлик билан пешқадамлик мавқеини сақлаб турибди. Германия терма жамоаси иккинчи, Аргентина эса учинчи ўриндан жой олган. Кучли ўнликни Россия терма жамоаси якунлаган.

Осиё қитъасининг етакчилигини ҳамон Япония терма жамоаси ўз қўлида ушлаб турибди. Иккинчи ўринга эса бу сафар Австралия терма жамоаси кўтарилиб олди. Жанубий Корея терма жамоасининг бир йўла 9 поғонани бой бериши натижасида «соккерузлар» Осиё қитъасининг иккинчи жамоасига айланиб олишди.

Қуйида сиз ФИФА рейтингининг кучли ўнлиги ва кучли 100ликка кирган Осиё жамоалари билан танишиб олишингиз мумкин бўлади.

1 (1). Испания – 1610 очко
2 (2). Германия – 1473
3 (3). Аргентина – 1309
4 (4). Англия – 1174
5 (5). Италия – 1173
6 (7). Колумбия – 1159
7 (6). Португалия – 1133
8 (8). Нидерландия – 1106
9 (9). Хорватия – 1080
10 (10). Россия – 1064.
...
26 (28). Япония — 811
39 (37). Австралия — 634.
47 (38). Жанубий Корея — 601.
57 (58). Эрон — 540.
59 (57). ЎЗБЕКИСТОН — 536
90 (92). Иордания — 394.
94 (99). Ироқ — 387.
98 (95). Қатар — 364.    
98 (99). БАА — 364.