"Челси"дан учралган мағлубият "МЮ" учун мавсумдаги 17-мағлубияти бўлди.
Кеча манкунианликлар 100-дақиқага келиб 3:2 ҳисобида олдинда бораётган бўлсада, "Челси"га 3:4 ҳисобида имкониятни бой беришди. Бу “Манчестер Юнайтед”нинг мавсумдаги 42 ўйиндаги 17-мағлубияти бўлди.
1989/90 йилги мавсумдан буён клуб расмий ўйинларда бунчалик мағлубиятга учрамаган. Ўшанда "Манчестер Юнайтед" бутун мавсум давомида 17 ўйинда мағлуб бўлган. Ўша мавсумда "Юнайтед" Англия чемпионатида 13-ўринни эгаллади, бу клуб тарихидаги 1974/75 йилги мавсумда қуйи лигага тушиб кетганидан бери энг ёмон натижадир.
"Манчестер Юнайтед" 48 очко билан АПЛ турнир жадвалида 30 ўйиндан сўнг 6-ўринни эгаллаб, бешинчи ўриндаги "Тоттенхэм"дан 9 очко ортда қолмоқда.
7 апрель куни Эрик тен Хаг шогирдлари АПЛнинг 32-тури доирасида ўз майдонида "Ливерпул"га қарши баҳс олиб боради.
