Туркиянинг “Галатасарой” клуби ҳужумчиси Мауро Икарди кейинги трансфер ойнасида “Ювентус”га ўтмайди. Tutto Sport хабарига кўра, Турин клуби Икардини таклиф қилишдан манфаатдор эмас ва футболчининг трансфери борасида ҳеч қачон "Галатасарой" билан боғланмаган.
Жорий мавсумда 31 ёшли аргентиналик барча турнирларда 39 та ўйинда майдонга тушиб, 24 та гол урди ва 11 та голли узатмани амалга оширди. Икардининг "Галатасарой" билан амалдаги шартномаси 2026 йилнинг ёзига қадар мўлжалланган.
Transfermarkt портали мутахассислари форварднинг нархини 18 миллион еврога баҳоламоқда. 30 турдан сўнг "Ювентус" 59 очко билан Италия чемпионати турнир жадвалида учинчи ўринни эгаллаб турибди.
