Лондоннинг "Арсенал" клуби янги ҳужумчи қидиришда давом этмоқда. Журналист Николо Шкиранинг хабар беришича, "канонирлар" раҳбарияти Италиянинг "Болонья" клубида ўйнаётган Жошуа Зиркзее билан ижобий музокаралар олиб борган.
Манбанинг таъкидлашича, "Арсенал" скаутлари ушбу мавсумда Зиркзеенинг ўйинини бир неча бор томоша қилишган. Нидерландиялик футболчи бош мураббий Микель Артетанинг асосий трансфер мақсадларидан бири ҳисобланади.
22 ёшли форвард жорий А Серияда 10 та гол ва 3 та голли узатмага эга.
