Бильбаонинг "Атлетик" клуби мавсумни яхши ўтказмоқда - жамоа Қирол кубоги финалига чиқди, чемпионатда эса Чемпионлар Лигаси зонасида якунланиш учун курашмоқда.
"Басклар" ёзги трансфер ойнасида ўз таркибини кучайтириш ҳақида аллақачон ўйламоқда ва TodoFichajes нашрининг сўзларига кўра, ҳимоячи Эймерик Ляпортга кўз тиккан.
Манбага кўра, "Атлетик" футболчининг вакиллари билан алоқада. Ляпорт учун "Атлетик" унинг уй клуби ҳисобланади. Айнан шу ердан ҳимоячи 2018 йилда "Манчестер Сити"га ўтган эди.
Ўтган ёзда футболчи "Ан-Наср"га келганди. Бироқ, Эймерик Европага қайтишни истайди. Transfermarkt портали 29 ёшли Эймерик Ляпортни 25 миллион еврога баҳоламоқда.
