"Бавария" ҳужумчиси Томас Мюллер "Хайденхайм"дан учралган мағлубиятдан сўнг ўз фикрларини билдириб ўтди.
Бундеслиганинг 28-туридан ўрин олган учрашув мюнхенликларнинг 2:3 ҳисобидаги мағлубияти билан якунланди.
"Биз клуб тарихидаги энг яхши даврни бошдан кечирмаётганимиз ҳаммага аён", - дея гап бошлади Bayern & Germany билан суҳбатда.
Футболчининг айтишича, "Бавария" ҳимояда ёмон ўйнаган, аммо ҳозир бу ҳақда гапиришдан маъно йўқ. Бўлажак Чемпионлар лигаси ўйинида жамоа натижага эришиш учун бор кучини беради, дея хулоса қилди Мюллер.
9 апрель куни "Бавария" Чемпионлар лигаси 1/4 финали биринчи ўйинида "Арсенал" билан меҳмонда ўйнайди.
