"Ювентус" футболчиси Матиас Суле Турин клубининг собиқ ҳужумчиси Криштиану Роналду ҳақида гапирди.

"Мен унинг қанчалик ёқимли эканлигига ҳайрон бўлдим. Мен уни танимасдим, лекин у ҳақида нима дейилганини эшитдим. У даҳо. Эсимда, бир куни биз овқатланиш учун чиқдик, у менинг ёнимга ўтирди, мен у билан ҳеч нарсани муҳокама қилмадим. Ҳамма кетди, у эса менга ўз машиналари ҳақида, "Реал" ҳақида гапиришда давом этди", — деди футболчи AS билан суҳбатда.

Эслатиб ўтамиз, Роналду 2018 йилдан 2021 йилгача "Ювентус"да ўйнаган. Бу даврда у барча турнирларда 134 та учрашувда қатнашиб, 101 та гол ва 22 та голли узатмани амалга оширган. 2021 йилда Роналду Турин клубини тарк этиб, "Манчестер Юнайтед"га ўтди ва у ерда 2022 йилнинг ноябригача ўйнади.