"Бавария" шанба куни ўз мухлисларининг ҳафсаласини пир қилди.
“Хайденхайм” меҳмони бўлган жамоа биринчи бўлимдан сўнг 2:0 ҳисобида олдинда бораётган ҳолида якунда 2:3 ҳисобида мағлуб бўлди.
Натижада, кейинги дам олиш кунларидаёқ "Байер" Германия чемпионига айланиши мумкин. Ижтимоий тармоқларда стадион трибуналаридан суратга олинган видео пайдо бўлди.
Унда “Бавария”нинг 18 ёшли ҳужумчиси Матис Тель ўз жамоадошларига нимадир деб қичқираётгани ва мухлислар билан трибуна томон ишора қилаётгани акс этган.
Шубҳасиз, Тель ўз шерикларини мухлислардан узр сўрашга чақирди. Бироқ “Бавария” футболчилари кийим алмаштириш хонасига боришга шошилишди. Тель жамоадошларига этиб бормай, уларнинг орқасидан кетди.
