"Челси"нинг собиқ футболчиси Франк Лебёф "Шеффилд Юнайтед"га қарши ўйинда бош мураббий Маурисио Почеттинонинг ҳаракатларидан норози бўлди. “Кўклар” 2:1 ҳисобида олдинда бораётган бўлса-да, 95-дақиқада гол ўтказиб юборди ва ғалабани сақлаб қола олмади.
"Жамоа минимал ҳисобда устунликка эга бўлса, захирадан ҳужумни кучайтириш ва бошқа гол билан ўйинни ўлдириш ниятида бўлиш керак. Ҳисобни сақлаб қолиш учун бор кучингизни сарфлашнинг ҳожати йўқ. Чиқиб кетиш зонасидаги жамоага қарши ғалабани сақлаб қолиш учун ҳимоячиларни туширадиган клубдан нима кутиш мумкин? Бу мен учун жуда кўп нарсани билдиради", - дейди Лебёф.
